Boqolaal dadweyna oo ka mida ku dhaqan magaalada Cadaado ayaa isugu soo baxay afaafka hore ee xarunta madaxtooyada maamulka Ximan iyo Xeeb kadib markii ay wareeg dheer kusoo mareen wadooyinka waaweyn ee magaalada cadaado.

Dadkaani dibadbaxayaasha ah ayaa waxaa ay wateen marooyin ay ku hardhayihiin hal ku dhegyo ay ku taageerayaan rabitaankooda ku aadan xukuumada Mr saacid oo dhawaan qaar ka mida mudanayaashad Barramanka Soomaaliya ay muushin ka keeneen.

Gudoomiyaha Degmada Cadaado Axmed Salad Ibraahin oo ka hadlay madashay ay isugusoo bexeeb dibadbaxayaasho ayaa sheegay in xiliga aysan habooneeyn in muushin laga keeno xukuumada R/wasaare saacid maadaama wali aan lagaarin waxqabadka xukuumadiisa.

Qaar ka mida Bulshadii banaanbaxa dhigaayey ayaa sheegay inay aad uga xunyihiin in xiligan is qa qabsi dowlada dhexdeeda uu imaado xili ay sugayeen dowlada ka hana qaada dalka Soomaaliya iygoona ka codsaday Barlamanka Soomaaliya inay arintaasi dib uga laabtaan.

Ugu dabeyntii Afayeenka maamulka Ximan iyo Xeeb Maxamed Cumar Jimcaale (Hagafeey) ayaa sheegay in maamulka Ximan iyo xeeb uu ka mid yahay maamulada ugu deegaano xasiloona dalka soomaaliya ayna aad u daneynaan dowlada soomaaliya inay israacdo isla markaana ay noqoto mid aan xiligan dib u celin shacabka Soomaaliyeed ee soo daalay waxaana uu ugu baaqay xilidhibanada Brlamanka Soomaaliya inaay ku shaqeeyaan rabitaanka Shacabka Soomaaliyeed.

Ra’iisal wasaaraha ayaa dhawaan isaga iyo xukuumadiisa laga keenay mooshan ka dhan ah, waxaana xildhibaannada baarlamaan ay ku eedeeyeen xukuumada hadda jirta wax-qabad la’aan iyo ammaan xumo ay ku soo kordhisay dalka.

Ma cadda sida ay wax noqon doonaan, balse waxaa la lee yahay waxaa laga yaabaa in ra’iisal wasaaraha uu helo codka kalsoonida, waayo qaar ka mid ah xildhibaannada mooshinka keenay ayaa ka laabtay go’aankoooda.

Wararkii ugu dambeeyay waxa ay lee yihiin xaley xildhibaanno kor u dhaafaya 40 ayaa ka laabtay mooshinka laga keenay ra’iisal wasaaraha, qaar badan oo ahaa xildhibaannada mooshinka waday ayaa la qanciyay lagana shaafiyay wax yaabihii ay qabeen.

Si kastaba, ururada bulshadda, odayaasha dhaqanka iyo bulshadda Soomaalida ayaa si isku mid ah uga soo horjeestay mooshanka laga keenay xukuumada Soomaaliya oo hadda jirta wax ka yer lix bil.

Waxaana dadkan ay ka codsadeen xildhibaannada in ay ka laabtaan mooshinka ay ka keeneen xukuumada, waxaa ay lee yihiin xilligan ma ahan wax wanaagsan in mooshin laga keeno xukuumada oo muddo yer dhisan iyo guulo la taaban karo oo ay keentay dhinaca dibedda.

Tan iyo markii mooshinka baarlamaanka la horgeeyay kulamo gaar-gaar ah, waxaana mooshinka olole ugu jira siyaasiyiin iyo dad xilal horrey uga soo qabtay dalka.

Afayeenka Ximan iyo Xeeb Maxmed Cumar Jimcaale (Hagafeey)yaa sheegay in xiligan aan loo baahneyn in la abuurio caqabado hor leh oo ka hor imaankara horumarka ay dowladu ku talaabsatay.

‘’Dowladu Federaalku waxeey meteshaa ummadda Soomaalyeed iyadoo heysata aqoonsi caalami ah ayeey gaartay guulo wax ku ool ah waxaana xaqiiqdii dhab ah in golaha xukuumadu ay abuureen horumar la taaban karo oo ay ka mid tahay qaadistii cunaqabateynta,  abuuritaanka xiriir caalami ah oo Soomalaiya la yeelatay caalamka intiisa kale’’ Afayeenka Ximan iyo Xeeb maxamed Cumar Jimcale ayaa sidaasi yiri.

Isagoo hadalkiisa sii wata ayuu intaasi ku daray in dowladu ku guuleysatay wax ka qabashada dhinaca amniga wuxuuna xusay in madaxda qaranku ay kormeer ku tageen 12 gobol oo ka mid ah dalka,  taasina waxuu ku tilmaamay iney tahay talaabo hore loo qaaday.

Hadalkan kasoo baxay maamulka Ximan iyo Xeeb ayaa waxaa uu imanayaa xili qaar ka mida Barlamanka Soomaaliya ay muushin ka keeneen Xumuukada R/easaare Saacid.

Maxamed Cabdullaahi “Dhage Cade” ayaa sheegay in gudiga doorashooyinka madaxtinimada Maamulka Ximan Iyo Xeen ay isla garteen in Sabtida soo socota Taariikhduna tahay 25-5-2013-ka ay bilaabato araaji qabashada, isagoona xusay in araaji qabashada ay ku egtahay Jimco 7-6-2013-ka.

Gudoomiyaha Gudiga Doorashooyinka Maamulka Ximan Iyo Xeeb Maxamed Cabdullaahi “Dhage Cade” ayaa sidoo kale sheegay in doorashada maxtinimada Maamulka Ximan Iyo Xeeb ay dhici doonto Isniin 10-6-2013-ka, waxa uuna gudoomiyaha gudiga doorashooyinka madaxtinimada Ximan Iyo Xeeb uu soo ban dhigay shuruudaha laga doonayo qofka u tartamaya madaxtinimada maamulkaasi, isagoona tilmaamay in qofka u tartamaya jagada madaxtinimada Maamulka Ximan Iyo Xeeb laga doonayo bixinta lacagta diiwaan gelinta oo gaareysa $ 3,000.

Dhawaan ayaa waxaa la filayaa in doorasho madaxtinimo ay ka dhacdo magaalada Cadaado, ee xarunta maamulka Ximan iyo Xeeb taasi oo lagu soo dooranayo madaxweynaha cusub ee uu yeelanaayo Maamulka Ximan Iyo Xeeb.

HOOS KA AQRISO SHURUUDAHA MUSHARIXIINTA IYO WAXYAABAHA LAGA DOONAAYO

بــــســـم اللــــه الرّحمـــــــــن الرّحيــــــم

JAMHUURIYADDA SOOMAALIYA

MAAMUL GOBOLEEDKA XIMAN & XEEB

GUDDIGA MADAXA BANAAN EE QABAN QAABADA DOORASHADA MADAXWEYNAHA IYO KU XIGEENKIISA

WARSAXAAFADEED.
Tr.: 20 May 2013

KU: MADAXWEYNAHA MAAMUL GOBOLEEDKA XIMAN & XEEB
KU: GUDOONKA GOLAHA BAARLAMAANKA
OG: GOLAHA GUURTIDA
OG: GOLAHA GARSOORKA

UJEEDO: HABRAACA DOORASHADA MADAXWEYNAHA IYO KU XIGEENKIISA
Gudiga madaxa banaan ee doorashada ka dib kulan uu yeeshay afartii maalin ee la soo dhaafay waxay go’aamiyeen qodobadan soo socda:

B) JAANGOYNTA XILLIGA DOORASHADA:
Xilliga araaji qabashada musharixiinta waxay ka bilaabanaysaa Sabti 25-05-2013 saacadu marka ay tahay 9:00am subaxnimo.
Araaji qabashadu waxa ay ku egtahay jimce 07-06-2013 12:00am duhurnimo,qofkii ka dabamara xiligaas ka dib lagama qabanayo wax ducuminti ah
Doorashada madaxwaynaha iyo ku xigeenkiisa waxa ay dhacaysaa Isniin 10-06-2013.
T) SHURUUDAHA MUSHARAX MADAXWEYNE MAMUL GOBOLEEDKA XIMAN IYO XEEB
Waa in uu muslim yahay kuna dhaqmaa diinta islaamka.
Waa inuu leeyahay aqoon diineed iyo mid maadi ah oo gaarsiisan jaamacad ama wax u dhigma.
Waa inuu leeyahay waayo aragnimo dhinaca maamulka ah.
waa inaysan da’diisu kayareen 35 sano.
Waa in uu leeyahay karti iyo hufnaan.
waa in uu sumcad fiican kuleeyahay bulshada dhexdeeda.
Waa in uu deegaanka udhashay.
Waa in uu aaminsanyahay qaanuunka ay ku dhisan tahay ximan iyo xeeb, hantina ku leeyahay.
waa in uusan isticmaalin muqaadaraad.
waa in uu ka caafimaad qabo cudurada dhimirka iyo cudur kasta ka reebi kara gudashada hawshiisa shaqo.
waa in uu leeyahay akhlaaq suuban , dulqaad iyo nabad jacayl.
waa in uusan xiriir la lahayn ururada hubaysan ee soomaaliya.
Waa in uu bixiyaa lacagta diiwaan galinta musharaxa madaxwaynaha utartamaaya oo ah 3000$ (sadax kun oo doolar)
Waa inuu soo gudbiyaa (C.V-ga) ama taarikh nololeedkiisa iyo dukumiintiyo cadaynaya aqoontiisa iyo qibradiisa
Waa in aan maxkamadi ku xukumin dambi ciqaabeed culus.

T) Shuruudaha Musharax Madaxweyne Ku Xigeen Mamul Goboleedka Ximan Iyo Xeeb

Waa in uu muslim yahay kuna dhaqmaa diinta islaamka.
Waa inuu leeyahay aqoon diineed iyo mid maadi ah oo gaarsiisan dugsi sare iyo khibrah maamul.
Waa inuu leeyahay waayo aragnimo dhinaca maamulka ah.
waa inaysan da’diisu kayareen 35 sano.
Waa in uu leeyahay karti iyo hufnaan.
waa in uu sumcad fiican kuleeyahay bulshada dhexdeeda.
Waa in uu deegaanka udhashay.
waainuu aaminsanyahay qaanuunka ay ku dhisan tahay ximan iyo xeeb, hantina ku leeyahay.
waa in uusan isticmaalin muqaadaraad.
waa in uu ka caafimaad qabo cudurada dhimirka iyo cudur kasta ka reebi kara gudashada hawshiisa shaqo.
waa in uu leeyahay akhlaaq suuban , dulqaad iyo nabad jacayl.
waa in uusan xiriir la lahayn ururada hubaysan ee soomaaliya.
Waa in uu bixiyaa lacagta diiwaan galinta musharaxa madaxwayne ku xigeenka u tartamaaya oo ah 1500$
Waa inuu soo gudbiyaa (C.V-ga) ama taariikh nololeedkiisa iyo dukumiintiyo cadaynaya aqoontiisa iyo qibradiisa
Waa in aan maxkamadi ku xukumin dambi ciqaabeed culus
WABILAAHI TOWFIIQ

Gudoomiyaha gudiga doorashada
Maxamed C/llaahi Maxamed (Dhagacade)
______________

Prof Cabdulaahi Xersi  Diirshe (Daacad) oo Mudo dheer ku soo jirey Siyaasada Wadanka Soomaaliya islamarkaana horey u Sameeyey Xisbiyo fara badan gaar ahaan Xiliyadii Dagaalada Sokeeye ayaa haatan waxaa uu ku soo Biirey Siyaasiyiinta u Taagan Xilka Madaxweynimada Maamulka Ximan iyo Xeeb , waxaana wax ka weydiiney Sababta uu Xiligaan ugu soo biirey Siyaasiyiinta u Taagan Xilkaa Maamulkaas waxaana uu sheegey in uu doonayo Shacabka Ximan Xeeb uga faaiideeyo aqoonta iyo Waaya-aragnimada uu u leeyahay Siyaassadda , Hogaan Wanaaga iyo Xiriirka Wanaagsan ee aan la leeyahay Deriska iyo Dunida inteeda kala, islamarkaasna in aan ka gudbiyo Bulshada Ximan iyo Xeeba Marxalada Xasaasiga ay ku sugan yihiin waxaa uu intaas ku darey

“ Soomaaliya waxay  ay u baahan tahay Nidaam Gunta ka soo Tola Deegaanada, si loogu Gudbo Hanashada Qaranimada Soomaaliyeed ee Daalaa Dhaceysa ama Saanqaadka ah , maadaama aan marnaba Bulshadu kala maarmi kareyn meel kasta oo ay joogto , heer kasta oo ay mareyso taasoo ay ka mid tahay Ujeedooyinka dib u Yegleelida Nimdaam iyo kala Dambeyn lagu soo celiyo Geyiga Soomaaliyeed

Prof Cabdulaahi Xersi  Diirshe (Daacad) waxaa uu sheegey in Deegaanka Ximan iyio Xeeb uu yahay Dhul Balaaran lehna Khayraad Dabiici oo kala duwan sida XoolAha , Beeraha , Macdanta iyo Kaluumeysiga islamrkaana waxaa uu sheegey in Deegaankaas ay ku hareereysan yihiin Deegaano kala Duwan  Dhacdooyinka ku saleysan Daaq ay ka dhacaan sidaa dareteed waxay u baahan yihiin in si wadajir looga wada shaqeeyo Xal u helida Khilaafaadkaas yar yar iyadoo la isticmaalayo Xigamada Waxgaradka ee Dhinacyada kala duwan taasina aad bay u fududadahy waxaana uu sheegey in uu  aaminsan yahay in  Khilaafaadkaas uu ku bixin Doono dadaal Dheeraada si Nabad loogu Wada Noolaado.

Prof Cabdulaahi Xersi  Diirshe (Daacad) mar uu ka hadlayey Dhinaca Bucad badeeda waxaa uu yiri” Dadkaas waxay ahaayeen Ganacsato Kaluumeyusato ah iyo Shaqaalahooda oo iyaga ku howlanaa in muda ah Wax soo saarka Khayraadka Badda hase yeeshee waxaa dhibaateeyey, Joojiyey Ganacsigooda Sharafta badan Kaluumeysato Shisheeye kuwaasoo adeegsanayey Maraakiib waa waaweyn iyo Qalab Xaalufinta Badda islamarkaana baabi’iey Qalabkoodii Kaluumeysiga sida Doonyihii Shabaagadihii taasi waxay abuurtey in ay is Difaacaan ilaa ay soo gaartey  in lagu kala adkaado loolankaas oo aan Xaqa loo wada lahayn,taasina waxay dhashey in  Muwaadiniinti lagu Tilmaamo Burcad maadaama ayan lahayn Nidaam  Qaran oo awood u leh in uu difaaco Xaquuqdaas oo ah Naftooda iyo Maalkooda hase eyeshee Nasiib wanaag maanta waxay  taagan yihiin Ganacsatadaas,Ganacsigeenna waa joojineynaa iyo wixii ka dhashey ha la helo Qaran Difaaca Khayraadka Badda Soomaaliyeed , iyagoo Xiligan Diyaar  u ah in ay ka dambeeyaan Maamulkooda halkaas baan ka sii wadi doonaan anigoo leh Xirfad ku duwida Dhalinyarada Nolosha Caadiga ah.

Guntii iyo Gabagabdii waxaan ugu baaqayaa Bulshada ,Guurtida , Baarlamaanka, iyo Xukuumada ee Ximan iyo Xeeb in ay u istaagnaadaan Ilaalinta Miraha Qiimaha badan noogu fadhiya ( Naf.Maal iyo Maskaxba leh) una Diyaargaroobaan Doorashada Taariikhiga ah iyagoo Dhowraya Marxada kala Guurka kana Foojignaanaya wax kasta oo keeni kara kala qaybsanaan

Proff Cabdulaahi Xersi  Diirshe (Daacad)

Daacad99@hotmail.com

Tel00252615441161

Tel 00252615531122

W/D Amiin Yuusuf Khasaaro

E-Mail  amiinkhasaaro@hotmail.co.uk

E-Mail  amiinkhasaaro@yahoo.co.uk